МӘСҚ қызмкеткерлері ақпараттық-түсіндіру жұмыстарын күшейту, өңірдегі тұрғындармен міндетті әлеуметтік сақтандыру жүйесінің мәселелерін талқылау мақсатында Алматы облысының еңбек ұжымдарымен кездесулер өткізді.

МӘСҚ қызметкерлері Алматы облысы әкімінің орынбасары Л.М.Тұрлашовтың басшылығымен кеңеске қатысты. Кеңесте әлеуметтік-қаржы құрылымдарының және Алматы облысының мемлекеттік органдарының басшылары, Еңбек инспекциясы басқармасы, Жұмыспен қамтуды үйлестіру және әлеуметтік бағдарламалар басқармасы, Білім және денсаулық басқармалары, Еңбек, әлеуметтік қорғау және көші-қон комитеті департаменті, Кәсіпкерлер палатасы, Мемлекеттік кірістер департаменті, Кәсіподақтар орталығы, «Азаматтарға арналған үкімет» Мемлекеттік корпорациясы, БЖЗҚ, Әлеуметтік медициналық сақтандыру қорының басшылары қатысты. Сонымен қатар видеоконферения байланысы режимінде аудан әкімдерінің орынбасарлары, Мемлекеттік кірістер басқармалары, «Азаматтарға арналған үкімет» КЕАҚ, аудандық білім бөлімдерінің бухгалтерлері, аудан өңірлеріндегі облыстық білім жүйесі мекемелерінің бухгалтерлері, денсаулық сақтау жүйесінің бас дәрігерлері және бухгалтерлері қатысты.

МӘСҚ қызметкерлерімен әлеуметтік аударымдар бойынша қарыздар, банкрот кезіндегі кәсіпорындар,1 ЕТЖ мөлшерінен кем төленген әлеуметтік аударымдар бойынша мәселелер қарастырылды. 

МӘСҚ мамандары қатысушыларды міндетті әлеуметтік сақтандыру жүйесіне қатысушылар санын арттыру бойынша жүргізілген жұмыстар және Жұмыспен қамту орталықтары арқылы жұмысынан айырылуы бойынша «композиттік қызмет» көрсету туралы ақпаратпен таныстырды.

Өткізілген кеңестің нәтижесі бойынша облыс әкімінің орынбасары Л.М. Тұрлашев облысы аудандары әкімдерінің орынбасарларына және құрылымдық бөлімшелерінің басшыларына әлеуметтік аударымдар бойынша берешек сомасын қысқарту, төлеушілердің әлеуметтік аударымдарды төлеудін бақылауды қамтамасыз ету және дағдарысқа қарсы штаб жұмыстары бойынша нақты тапсырмалар берілді.

Сонымен қатар МӘСҚ мамандары "ИНФРАЭНЕРГО" ЖШС, «Қайнар - АКБ» ЖШС және «Жетісу Су арнасы» ШЖҚ МКК ұжымымен кездесіп, халықты әлеуметтік қорғаудың қосымша формасы ретінде міндетті әлеуметтік сақтандыру жүйесі жайлы және заңнамалардағы өзгерістер туралы хабардар етті.Кездесулер барысында, ұжым қызметкерлері МӘСҚ мамандарынан өз сұрақтарына жауап алды.

  Кездесулерге барлығы 416 адам қатысты.