Орнықты даму

Орнықты даму - бұл Қор өз қызметінің қоршаған ортаға, экономикаға, қоғамға әсерін басқара отырып, мүдделі тараптардың мүдделерін ескере отырып шешім қабылдайтын даму. Мүдделі тараптармен жауапкершілікпен, ойластырылған және үйлесімді өзара әрекеттесу Қордың орнықты дамуына ықпал етеді.

Қордағы орнықты даму үш құрамдас мақсатқа негізделеді: экологиялық (Environmental), әлеуметтік (Social) және экономикалық (Governance).

Экологиялық құрамдас бөлік экологиялық, энергия және материал үнемдеу технологияларын қолдану, шектеулі ресурстарды оңтайлы пайдалану, қалдықтарды азайту, өңдеу және жою арқылы биологиялық және физикалық табиғи жүйелерге әсерін барынша азайтуды қамтамасыз етеді.

Әлеуметтік құрамдас бөлік адам құқықтарының, еңбек заңнамасының талаптарын сақтау, әлеуметтік тұрақтылықты және еңбек ұжымдарында сенімге негізделген ішкі корпоративтік қатынастарды қалыптастыру, жұмыс орындарын құру, гендерлік айырмашылықтарға қарамастан қызметкерлерге әділ және лайықты еңбекақы төлеу арқылы әлеуметтік жауапкершілік принциптеріне негізделген.

Экономикалық құрамдас бөлік Қордың қызметін Жалғыз акционердің мүдделерін қамтамасыз ету, қаржылық және операциялық көрсеткіштерге қол жеткізу, қызмет процестерінің тиімділігін арттыру, Қорда сыбайлас жемқорлық пен алаяқтыққа жол бермеу арқылы ұзақ мерзімді құнның өсуіне бағыттайды.

Қордың орнықты даму саласындағы міндеттері:

- орнықты даму принциптерін Қор қызметіне интеграциялау;

- орнықты дамудың үш құрамдас бөлігі бойынша қызметті талдау жүргізу және тәуекелдерді бақылау;

- орнықты даму саласындағы қызмет нәтижелері туралы тұрақты хабардар етуді қоса алғанда, Қордың мүдделі тараптармен тиімді өзара әрекеттесу механизмдерін құру.

Орнықты даму мәселесі бойынша Қордың ішкі құжаттары:

- Қордың Жарғысы/ Корпоративтік басқару кодексі - бұл басқарудың мақсаттарын, принциптерін және құрылымын анықтайтын негізгі құжаттар, сондай-ақ орнықты даму контекстінде ESG мақсаттарын басқару, даму жоспары және операциялық қызмет жүйесіне интеграциялауды егжей-тегжейлі көрсетеді;

- орнықты даму саласындағы Саясаты - Қордың осы бағыттардағы мақсаттар мен нақты қадамдарды сипаттай отырып, ESG (Environmental, Social, Governance) принциптерінің міндеттемесін жариялайды;

- стейкхолдерлер картасын қалыптастыру Регламенті - Қордың барлық мүдделі тараптарын (стейкхолдерлерін) анықтау, талдау және топтастыру процесін сипаттайды;

- орнықты даму саласындағы есепті дайындау бойынша Басшылық - стейкхолдерлер үшін сапаны, көлемді (маңыздылықты) және сенімділікті қамтамасыз ету үшін ESG ақпараттарын ашуға қойылатын талаптарды белгілейді.