ХӘҚҚНЫҢ жыл сайынғы шолуы (2022/2023)

Қазақстан Республикасының екінші кезеңдік баяндамасына БҰҰ экономикалық, әлеуметтік және мәдени құқықтар жөніндегі комитетінің қорытынды ескертулері (29 наурыз 2019)

Шет елдердегі әлеуметтік және зейнетақымен қамсыздандыру (Сәуір 2018)

Халықаралық зейнетақы және әлеуметтік қорлар қауымдастығы (ХЗӘҚҚ)

Халықаралық зейнетақы және әлеуметтік қорлар қауымдастығы (ХЗӘҚҚ) 1992 жылы құрылды.

Қазіргі уақытта ХЗӘҚҚ құрылтайшылары ТМД-ның 9 елінен және Грузияның он бір зейнетақы және әлеуметтік қорлар, мекемелер мен ұйымдар болып табылады. «Мемлекеттік әлеуметтік сақтандыру қоры» АҚ 2009 жылдан бастап ХЗӘҚҚ-ның толыққанды мүшесі болып табылады.

ХЗӘҚҚ қызметі мақсаттарының бірі Қауымдастық мүшелерінің арасында халықаралық деңгейде әлеуметтік қамсыздандыруды қорғауға, көтермелеуге және дамытуға, олардың құқықтары мен заңды мүдделерін қорғауға бағытталған ынтымақтастықты ұйымдастыру болып табылады.

ХЗӘҚҚ-тің ақпараттық қызметі оның жақын және алыс шет елдердегі мүшелерінің мүдделеріне, әлеуметтік қамсыздандыруды реформалауға негізделген. ХЗӘҚҚ мүшелері ақпаратты ТМД, Грузия, Балтық елдерінің сондай-ақ, алыс шетелдердегі әлеуметтік сала статистикасы үнемі жарияланатын веб-сайт арқылы және зейнетақымен қамсыздандыру және әлеуметтік сақтандыру саласындағы мемлекетаралық қатынастардың құқықтық мәселелері, әлеуметтік қамсыздандырумен байланысты еңбек нарығының мәселелері зейнетақы және әлеуметтік реформалау барысы туралы өзекті материалдар қамтылатын «Вестник» журналының электрондық нұсқасы арқылы алады.

ХЗӘҚҚ зейнетақы және әлеуметтік қорлармен бірлесіп 1996 жылдан бастап жыл сайын әлеуметтік қамсыздандырудың өзекті мәселелері бойынша халықаралық конференциялар өткізеді. 30 жыл ішінде 40-тан астам іс-шара (халықаралық конференциялар, семинарлар, дөңгелек үстелдер және т.б.) өткізілді. Олардың жұмысына ХӘҚҚ, ХЕҰ, Дүниежүзілік банктің, өзге де халықаралық ұйымдардың өкілдері, ТМД, Грузия, Балтық және басқа елдердің зейнетақы, әлеуметтік қорлары мен мекемелерінің басшылары қатысты. Ұсынылатын материалдар тәжірибе алмасуға мүмкіндік береді және зейнетақымен қамсыздандыру және әлеуметтік сақтандыру мәселелерін шешуге көмектеседі.

2016 жылы ХЗӘҚҚ Еуразиялық экономикалық комиссия алқасы жанындағы Еуразиялық экономикалық одаққа мүше мемлекеттердің әлеуметтік қамсыздандыру, зейнетақы құқықтарын сақтау, медициналық көмек көрсету және еңбеккерлерінің кәсіби қызметі мәселелері жөніндегі Консультативтік комитеттің құрамына енгізілді, бұл ХЗӘҚҚ өкілдерінің Комитеттің жұмыс кездесулеріне, кеңестеріне және басқа да іс-шараларына қатысуына мүмкіндік береді.

ХЗӘҚҚ Еуразиялық экономикалық комиссия, Халықаралық әлеуметтік қамсыздандыру қауымдастығы, Кәсіподақтардың жалпы конфедерациясы, Мемлекеттік емес зейнетақы қорларының ұлттық қауымдастығы өзін-өзі реттеу ұйымына және т. б. бірқатар ұйымдармен бірлесіп қызмет жасайды.

Қауымдастықтың жоғарғы басқару органы Қауымдастық мүшелерінің жалпы жиналысы болып табылады. Қауымдастықтың Атқарушы органы Дирекция болып табылады.

Байланыс ақпараты

Халықаралық зейнетақы және әлеуметтік қорлар қауымдастығының төрағасы Гималай Мамишов

Халықаралық зейнетақы және әлеуметтік қорлар қауымдастығының директоры Попов Игорь Николаевич

Ресми сайты: http://apsf.ru/Main.shtml

ХАЛЫҚАРАЛЫҚ ӘЛЕУМЕТТІК ҚАМСЫЗДАНДЫРУ ҚАУЫМДАСТЫҒЫ (ХӘҚҚ)

Халықаралық әлеуметтік қамсыздандыру қауымдастығы (ХӘҚҚ) - мақсаты халықты әлеуметтік қорғау саласында бірыңғай саясатты жүзеге асыратын халықаралық ұйым. Сонымен қатар, ол әлеуметтік бағыттағы шаралар мен басқа да халықаралық ұйымдардың жұмысына белсене қатысады.

ХӘҚҚ халықтың нақты қажеттіліктеріне бейімделген әлеуметтік қамсыздандыру мекемелерінің форумы ретінде 1927 жылы құрылды.

ХӘҚҚ 150 елден 320 жуық ұлттық әлеуметтік қамсыздандыру мекемелерін біріктіреді. 1955 жылдан бастап барлық ұйымдарды аффилирленген және ассоциацияланған мүшелерге бөлу қолданылады.

«Мемлекеттік әлеуметтік сақтандыру қоры» АҚ 2012 жылдан бастап аффилирленген мүше ретінде қатысады. Сонымен бірге, Қазақстаннан «Бірыңғай жинақтаушы зейнетақы қоры» АҚ («БЖЗҚ» АҚ) және «Азаматтарға арналған үкімет» Мемлекеттік корпорациясы да ХӘҚҚ аффилирленген мүшесі болып табылады. Қазақстан Республикасы Еңбек және халықты әлеуметтік қорғау министрлігі ХӘҚҚ-ның ассоциацияланған мүшесі болып табылады.

Қауымдастық жұмысында 13 тұрақты техникалық комиссия маңызды рөл атқарады (Жарналарды жинау және бақылау, Жұмыспен қамту саясаты және жұмыссыздықтан сақтандыру, Отбасылық жәрдемақы, Ақпараттық және коммуникациялық технологиялар, Өндірісте жазатайым оқиғалардан сақтандыру және кәсіптік ауру, Әлеуметтік қамсыздандыру қорларын инвестициялау, медициналық қызмет көрсету және ауырудан сақтандыру, Өзара көмек қоғамы, Кәріліктен, мүгедектіктен және асыраушысынан айырылуы жағдайын сақтандыру, Ұйымдастыру, басқару және инновациялар, Саясатқа және зерттеуге талдау, Статистикалық, актуарлық және қаржылық зерттеу, Алдын алу бойынша арнайы комиссия).

Бас Ассамблея, Кеңес және бюро ХӘҚҚ Жарғылық органдары болып табылады. Қауымдастықтың Штаб-квартирасы Женева қаласында орналасқан.

Қауымдастықтың жоғары лауазымдық тұлғалары Президент, Бас хатшы және Қазынашы.

ХӘҚҚ Халықаралық еңбек ұйымымен, БҰҰ экономикалық және әлеуметтік кеңесімен, Дүниежүзілік денсаулық сақтау ұйымымен және басқа да халықаралық ұйымдармен тығыз ынтымақтастықта.

Өмірбаяндар

Мұхаммед Азман БИН Азиз Мохамед- ХӘҚҚ Президенті

Жан-Марк Ванденберг- ХӘҚҚ қазынашысы

Ресми сайты:https://www.issa.int/ru