Қорда «Әйелге деген құрмет – қоғамның даму деңгейінің көрсеткіші» республикалық акциясы аясында жиналыс өтті
2026 жылғы 19 ақпанда Қор қызметкерлері арасында «Әйелге деген құрмет – қоғамның даму деңгейінің көрсеткіші» республикалық акциясы аясында жиналыс өткізілді. Жиналыста дәстүрлі құндылықтарды нығайту және әйелдерге құрметпен және жауапкершілікпен қарау мәдениетін қалыптастыру мәселелері талқыланды.
Іс-шараның мақсаты – азаматтарды неке жасауға мәжбүрлеу және сталкинг үшін қылмыстық жауапкершілікті көздейтін заңнаманың жаңа нормаларымен, сондай-ақ құрбандарды қорғау мен оларға көмек көрсету механизмдерімен таныстыру. Сонымен қатар, іс-шара қоғам санасында кез келген зорлық-зомбылыққа нөлдік төзімділік қағидатын қалыптастыруға бағытталған.
Жиналыста көтерілген мәселелер ерекше өзекті болып табылады, өйткені Қор қызметкерлерінің басым бөлігі – жастар, әйелдерге құрмет көрсету мәдениетін қалыптастыру олар үшін маңызды.
Бұл аспектілерге ерекше мән беретін фактор – Қор қызметінің ерекшелігі, өйткені әлеуметтік төлемдердің басым бөлігі ана мен балалық шақты қолдауға бағытталған.
Жиналыс барысында орталық аппарат өкілдері әйелдерге қатысты зорлық-зомбылықты болдырмау және сталкингке қарсы тұру мәселелерінің құқықтық, әлеуметтік және моральдық қырларын түсіндірді.
Бұл бағыттағы маңызды факторлардың бірі – ғасырлардан тамыр алған ұлттық дәстүрлерге беріктілік. Қазақтың көшпелі мәдениетінде әйелге – отбасының ұйытқысы ретінде құрметпен қарау бала кезінен тәрбиеленген.
Сонымен қатар, түсіндірме жұмысы барысында 2026 жылғы 15 наурызда жалпыұлттық референдумға ұсынылған Қазақстан Республикасының жаңа Конституциясының жобасындағы азаматтардың, әсіресе әйелдер қауымдастығының құқықтары мен бостандықтарының заңдық тұрғыда бекітілуі туралы да баяндалды.