Бүгін, 2022 жылғы 24 қыркүйек күні «МӘСҚ» АҚ Бас директоры Кемел Нұрсұлудың басшылығымен мобильдік топ мүшелері Жамбыл облысы Мойынқұм ауданының Кеңес және Бірлік ауылдық округтерінде ақпараттық-түсіндіру жұмыстарын өткізді.
Мобильдік топ мүшелері тұрғындарға Әлеуметтік кодекс жобасы аясында ұсынылатын әлеуметтік қолдау шаралары туралы жан-жақты түсіндірді.
Кездесуде мемлекет Басшысының биылғы жылғы 1 қыркүйектегі Қазақстан халқына Жолдауында айтылған тапсырмаларын іске асыру аясында 2023 жылдың 1 қаңтарынан бастап Мемлекеттік әлеуметтік сақтандыру қорынан жұмысынан айырылуы жағдайына төленетін әлеуметтік төлемдер мөлшерінің арттырылатыны (табысты ауыстыру коэффициенті 40% - дан 45% - ға дейін артады) айтылды. Сондай-ақ, жұмыс істейтін және жұмыс істемейтін ата-аналарға бала күтімі бойынша төлемдер кезеңі 1 жастан 1,5 жасқа дейін ұлғайтылатын болады.
Кездесу соңында азаматтарды жеке мәселелері бойынша да қабылдау жүргізіліп, оларға толық жауаптар берілді.