Мемлекеттік әлеуметтік сақтандыру қорында әлеуметтік сала ардагері салтанатты түрде құрметті демалысқа шығарып салынды
Мемлекеттік әлеуметтік сақтандыру қорының (бұдан әрі – МӘСҚ) орталық аппаратында салтанатты іс-шара өтті. Ұжымның бас қосуына қос мереке себеп болды: әлеуметтік қорғау саласында 40 жылдан астам еңбек еткен Нұрсұлу Ахметқызы Конбаеваны құрметті демалысқа шығарып салу, сондай-ақ Астана қаласы бойынша филиал директоры Айжан Сәрсенбіқызы Касенованың 50 жасқа толған мерейтойы.
Жиынды ашқан «МӘСҚ» АҚ Басқарма Төрағасы Алмас Құрманов әріптестеріне еткен еңбектері үшін зор ризашылығын білдірді. Бұл күні Нұрсұлу Ахметқызының кәсіби жолына ерекше назар аударылды.
Н.А. Конбаева еңбек жолын 1984 жылы бастап, 40 жылдан астам уақытын осы салаға арнаған. Оның мансабының айтарлықтай бөлігі 1985 жылдан бастап халықты әлеуметтік қорғау жүйесімен тығыз байланысты болды. МӘСҚ ұжымына ол 2017 жылдың қазан айында Астана қаласы бойынша филиалдың маманы ретінде қосылды.
Жоғары кәсібилігі мен көшбасшылық қабілеттерінің арқасында 2018 жылдың наурыз айында ол Маңғыстау облысы бойынша филиалдың директоры болып тағайындалды. Ал 2022 жылдың қазан айынан бастап елордалық филиалда бас маман қызметін атқарып, ұжым жұмысына өз үлесін қосуды жалғастырды.
Қор басшысы атап өткендей, Нұрсұлу Ахметқызы басшылық қызметте өзіне артылған үлкен жауапкершілікті мінсіз атқарып, өз ісіне деген шынайы жанашырлығын танытты. Оның көпжылдық адал еңбегі лайықты бағаланып, ведомстволық марапаттарға ие болды:
- Құрмет грамотасы (2021 жыл);
- «Әлеуметтік еңбек саласының үздігі» төсбелгісі (2023 жыл).
Бейнебайланыс арқылы Нұрсұлу Ахметқызына пандемияның қиын-қыстау кезеңінде бірге жұмыс істеген Маңғыстау облыстық филиалындағы әріптестері ақ тілектерін жолдады. Сонымен қатар, МӘСҚ-ның басқа да қызметкерлері бірлескен еңбегі үшін алғыстарын білдіріп, құттықтау сөздерін арнады.
Мемлекеттік әлеуметтік сақтандыру қорының ұжымы Нұрсұлу Ахметқызына мықты денсаулық, жан жылуын, сарқылмас қуат және құрметке толы жаңа, еркін өмір кезеңінде толағай табыс пен амандық тілейді!
В рамках мероприятия коллектив также сердечно поздравил Айжан Сарсенбиевну Касенову с 50-летним юбилеем, отметив ее надежность, безупречный профессионализм и важную роль в развитии Фонда.