«Мемлекеттік әлеуметтік сақтандыру қоры» АҚ 2022-2026 жылдарға арналған даму жоспарының 4-қосымшасына 2022 жылғы 1 тоқсандағы қорытындысы бойынша түсіндірме жазба

«Міндетті әлеуметтік сақтандыру жүйесімен қамтылған жұмыс істейтін халықтың үлесі» жоспарлы көрсеткіші, 2022 жылға - 70,2%. (Қазақстан Республикасының Стратегиялық жоспарлау және реформалар жөніндегі агенттігі Ұлттық статистика бюросының сайтында 1-тоқсандағы жұмыспен қамтылған халықтың орташа саны туралы деректер www.stat.gov.kz (бұдан әрі-статистика бюросы) болмауына байланысты, бағалау 01.01.2022 ж .жағдай бойынша жүргізілді).

Жұмыспен қамтылған халықты міндетті әлеуметтік сақтандыру жүйесімен (бұдан әрі - МӘСЖ) қамту туралы ақпарат Статистика бюросының сайтында жарияланған МӘСЖ қатысушылар санының жұмыспен қамтылған халықтың орташа санына қатынасы ретінде есептеледі.

2022 жылғы 1 қаңтардағы жағдайға соңғы күнтізбелік 4 тоқсанда орташа есеппен есептелген жұмыспен қамтылған халықтың орташа саны 8 802,7 мың адамды құрады.

2022 жылғы 1 сәуірдегі жағдай бойынша соңғы күнтізбелік 12 айда Мемлекеттік әлеуметтік сақтандыру қорына (бұдан әрі – МӘСҚ) ең болмағанда 1 рет әлеуметтік аударымдар түскен МӘСҚ қатысушыларының саны 6 617,9 мың адамды құрады.

Жұмыс істейтін халықтың МӘСЖ қамтылу үлесі 75,2% (6 617,9 * 100/ 8 802,7).

Орындалуы-107,1%

2. «Белгіленген іс-шаралар санына міндетті әлеуметтік сақтандыру мәселелері жөнінде ақпараттық-түсіндіру жұмыстары бойынша өңірлерде өткізілген іс-шаралардың үлесі (2022 жылы ҚР бойынша жылына 408 кем емес іс-шара және 2023-2026 жылдары - ҚР бойынша жылына 1020 кем емес іс-шара)» жоспарлы көрсеткіші, 2022 жылға – 100% .

2022 жылдың 1 тоқсанында МӘСҚ және оның филиалдары МӘСЖ бойынша ақпараттық-түсіндіру жұмысы (бұдан әрі - АТЖ) аясында онлайн және офлайн режимінде 326 іс-шара өткізілді.

Ақпараттық-түсіндіру жұмыстарын жүргізуге қатысқан қызметкерлердің жалпы саны – 9 800 адам, оның ішінде 7 353 немесе 75 % әйелдер.

АТЖ бойынша 3 айдағы көрсеткіш: 326*100/102 = 319,6% (жоспарлы көрсеткіш жылына 408 іс-шара, 3 айда 102 іс-шара).

Орындалуы-319,6%.

3. «Әлеуметтік төлемдерді тағайындау бойынша мемлекеттік қызметті уақтылы көрсетудің үлес салмағы» жоспарлы көрсеткіші, 2022 жылға – 99,99%.

2022 жылдың 3 айында МӘСҚ-дан әлеуметтік тәуекелдердің 6 түрі бойынша әлеуметтік төлемдер тағайындау мемлекеттік қызметі 180 395 алушыға көрсетілді. Қызметтер заңнамада көзделген мерзімде көрсетілді.

Орындалуы-100%.

4. «Міндетті әлеуметтік сақтандыру жүйесіне қатысушыға әлеуметтік аударымдардың жай-күйі және қозғалысы туралы ақпарат беру» мемлекеттік қызметін уақтылы көрсетудің үлес салмағы» жоспарлы көрсеткіші, 2022 жылға – 99,99%.

2022 жылдың 3 айында МӘСҚ филиалдары 177 азаматқа заңнамада белгіленген мерзімде қызмет көрсетті, бұл жоспарланған мәннің орындалуының 100% - ына сәйкес келеді.

5. «Электрондық нысанда әлеуметтік төлемдерді тағайындау бойынша көрсетілген мемлекеттік қызметтердің үлесі» жоспарлы көрсеткіші, 2022 жылға - 30%.

2022 жылдың 1 тоқсанында МӘСҚ-дан әлеуметтік төлемдерді тағайындау бойынша көрсетілген мемлекеттік қызметтердің жалпы саны 180 395 адамды құрады, оның ішінде электрондық форматта-71 990 немесе 39,9%.

Орындалуы-133%.

Анықтама ретінде: әдістемеге сәйкес көрсеткішті есептеу көрсетілген мемлекеттік қызметтердің (проактивті, egov.kz және enbek.kz арқылы) жалпы санына шаққанда электрондық нысанда көрсетілген мемлекеттік қызметтер санының қатынасы ретінде жүзеге асырылады, алайда 2021 жылдың қазанынан бастап пилоттық режимде ӘТбк тағайындау мемлекеттік қызметтерді көрсетуге арналған Екінші деңгейдегі банктердің (бұдан әрі ЕДБ) – ақпараттандыру объектілері (Halyk, Kaspi) арқылы жүзеге асырылады. Осылайша, ЕДБ-ны ескере отырып, электрондық нысанда әлеуметтік төлемдерді тағайындау бойынша көрсетілген мемлекеттік қызметтердің үлесі 47,1% - ті құрады (әлеуметтік төлемдерді тағайындауға өтініш бергендер саны - 180 395 адам, оның ішінде электрондық форматта 85 017 адам).